今日下午我問左大家一個問題：音樂有朝一日能夠成為先驅，推動社會發展嗎？當時我未有一個說服到我自己既說法，但係突然師傅到，就決定今晚分享下。當然，雖然話我有答案，但係個答案絕對唔係終極既答案，只係一個鍾意爵士樂既傻仔既想法。
隨著AI急速發展，可預見將來會有好多工作被AI取締。AI整理資料既能力係無人可比，甚至乎係1000人10000人，都未必夠AI好。因此，基金經理，保險從業員，甚至律師，醫生，都面臨被取締既危機。將來當機械人技術成熟，同時做到量產時，連勞動工作如建築工人，清潔姐姐，廚師都可以取締人類。結合Web 3.0趨勢，屆時所有銀行，中介公司，中心化平台都將無以為繼，進一步令更多人失業。
面對如此危機，人類必須思考自己的獨特性。有咩係AI做唔到，人類先做到？
我既答案係提供Vision, Imagination & Compassion。所有科技處理問題能力再高，都需要人類拋出問題或指令，才能發揮作用。而人類需要有遠見同想像力，才會問出至關重要的問題，給予恰到好處的指令。同時，我們需要Compassion，才會考慮人類整體福祉有益的方向，而不是只對個人有益的“遠見”。
音樂是一個載體，當中承載著人性的美，保留了最存粹既動機。小弟認為，有任何雜念既音樂創作，都會令音樂變得俗套。最美的音樂，就是創作過程中沒有任何雜念的音樂。而這一種美感，能夠為人類提供Vision, Imagination & Compassion。
有人認為科技會為人類創造天堂，將來會是一個烏托邦社會。也有人認為科技將摧毀人類，就如Cyberpunk小說的世界般，大財團操控著每個人的一舉一動。但係應該無人會覺得未來既社會會同我地過去20年習慣既世界一樣。人類究竟是向天堂發展，還是一步步邁向人間煉獄，十分取決於人類的每一個決定。音樂中保存的美感，也許能為我們每一個決定指路。我們可否做每一個決定時都像Billy Strayhorn既Isfahan一樣純粹，或者思考時像Bach Fugue一樣井井有條？
當然，呢個想法好離地。就算音樂為我們提供理想的Vision, Imagination & Compassion，我們又如何令每一個人，特別是有能力的人，能夠以美感為依歸去做決定？我們又如何衡量一個決定夠唔夠Blue in Green？也許我們只能儘量提供藝術教育，讓廣大群眾接觸到優質既藝術，從而培養出一種對美的觸覺，然後希望這種觸覺可以成為每一個人行為既依歸。
最後想分享一個故事。Bill Evans臨死前一個星期，突然打比Tony Bennett，講左句”Only truth and beauty matters”，然後就收左線。係人類越來越容易實現自己幻想時，也許真的只有真相同美感係不可或缺。
