好多時畫家習慣係自己既工作室埋頭苦幹，精雕細琢，從而創作出最一絲不茍既藝術品。天才如達文西，都用左3-4年時間先畫好《最後的晚餐》。
然而，原來有藝術家曾嘗試將藝術品創作既過程變為一個表演，係有限既時間同埋有觀眾既情況下，完成一個作品。
現場繪畫，或者習慣於當下創作藝術，其實已經存在左一段時間。最早既例子可以數到去日本古代既墨繪，畫家會係觀眾面前完成畫作。而係西方，有啲藝術家例如Yves Klein同埋Jackson Pollock，就直頭當畫畫係一門表演藝術，係畫畫同時加入舞步或肢體動作。
咁當繪畫都變成表演藝術既時候，可唔可以同現場音樂表演結合呢？事實上，現場音樂和現場繪畫的結合係外國已成為一種流行的表演藝術形式，通常被稱為“live art”或“performance painting”。
現場繪畫受現場音樂影響出名既例子有表演藝術家Dimitri Pavlotsky既作品。佢有一次同鋼琴家Brad Robin合作，係現場完成一幅abstract既作品。Brad Robin 既彈奏同時十分跳脫，引領著Dimitri 既筆觸。
另一個例子係藝術家Tali Farchi同音樂家Ha!man既合作（影片中主角）。Ha!man拉cello同彈keyboard，而Tali就會係畫布上作回應，同時有攝錄機捕捉住畫布上既變化，比Ha!man同觀眾接收。
除了這些例子，仲有好多其他藝術家和表演者在他們的作品中探索現場音樂和現場繪畫的交集，每個人都帶來自己獨特的視野和風格。
