AI現實雖然已經能夠生成非常逼真的音樂，但係以目前技術黎講，仲係難以做出真正能感動人心既音樂。
ChatGPT係咁答我既：
“音樂是一種情感藝術，通常需要藝術家的創造力和情感體驗，這些都是AI目前難以複製的特質。
AI生成音樂通常是基於先前的模式和統計學習，通常是基於數據集和模型的樣本，但AI缺乏真正的情感體驗，因此它可能無法理解音樂的情感和感性特徵。這種缺陷可能會使它無法創造出真正感動人心的音樂。”
然而，咁係咪代表將來AI都無可能做出感動人既音樂呢？可能未必。
情感，並非一啲無法量化既虛無之物，無非都係化學物質既互相作用。如果人類帶上可以測量身體反應既儀器，例如Apple Watch，甚至乎植入晶片，收集人類各種生理數據，AI就可以係我地聽各種音樂既時候，收集各種數據，從而知道我地聽每一首歌時候既情緒起伏。
例如，可能我地失戀既時候聽Ornette Coleman 既Lonely Woman，我地心跳會加速，代表我地情緒激動。又或者聽Bill Evans既 Blue in Green，淚腺又會多做分泌物，代表傷感。AI可以收集每一個人聽同一首歌既大數據，從而知道該音樂會為人類普遍帶黎咩情緒。
首先AI可以成為一個比任何人類更好既DJ，用一系列氛圍相異既曲目串連成一個動人既旅程。而當人工智能及大數據更成熟，同時社會大眾更接受科技公司收集生物數據時，AI在不遠既將來（可能係我地有生之年），就有機會成為比人類更能操控人類情緒既作曲家！
咁講到AI咁勁，可以取代音樂家既地位，咁音樂教育仲有咩價值啊？
AI也許可以比人類創作更能感動人心既音樂，但係就無可能被音樂感動。能夠被音樂，以致其他藝術感動，係人類作為人類好重要既價值！人類也許是愚蠢的，會興奮，會失落，會憤怒，亦會感到沈悶。但無論AI能夠如何收集，量化呢啲情緒背後既生物數據，都無法真實感受情緒帶來既高潮起伏！
所以，音樂教育最大既價值唔係培育出偉大既人類音樂家，而係培育出一班懂得欣賞，享受音樂既聽眾。
翻騰好幸運，可以吸納到一班好好既聽眾（即係你）。你地好投入音樂同時，同時亦好有教養。
希望將來，會有更多普羅大眾懂得享受高質素，有內涵既音樂，實現人類碩果僅存既價值。
