爵士樂有助人類適應2050年？
最近ChatGPT熱潮直捲全球。大家一方面因AI功能有助我們生活而興奮，同時亦因人類價值將被AI取代而擔憂。
除AI之外，生物科技，地緣政治，民主，資本主義失效等各種不確定因素亦令我們無法掌握30年後世界將會變成咩樣子。
而當Yuval Harari (當代好出名既一位歷史學家，哲學家) 被Google主持人問到我地應該教啲咩比下一代，從而去面對不可預測既未來世界時，佢就答：“Emotional intelligence （情緒智慧）& mental stability （穩定精神狀態）, because one thing for sure, is they will have to reinvent themselves repeatedly.“
小弟題到呢度，突然覺得一直以來玩jazz原來都有啲實用價值lolll。筆者認為，爵士樂好要求樂手係急速變化既音樂世界入面，保持清醒意識同埋穩定既精神狀態。要係情緒投入同時，保持中立地觀照音樂本質，先可以彈奏出最純粹既音樂。
同時，爵士樂手好追求不斷用新既方法去演奏。就算係同一首歌，玩第一次同第二次同第一百次都要唔同。每一次演奏都係一個全新既旅程，中間遇到咩，有咩問題，都要go with the flow.
當然爵士樂唔可以幫到你搵工，幫到你升職加人工。但係透過演奏，可以學習到如何面對未知時保持清醒，靈活變通。
希望大家享受到爵士樂帶到比大家既聲音享受之外，都可以享受埋爵士樂背後承載既意識形態。
